96 Imbileni Yehova ulwimbo ulupya.+
Imbileni Yehova, mwe bantu bonse aba pano isonde.+
2 Imbileni Yehova, cindikeni ishina lyakwe.+
Cila bushiku bileni imbila nsuma pa kupususha kwakwe.+
3 Bileni ubukata bwakwe mu nko,+
Bileni ifipesha amano fyakwe ku bantu na bantu.+
4 Pantu Yehova mukulu+ kabili alilinga ukulumbanya.
Alinga ukubela akatiina ukucila balesa bambi.+
5 Pantu balesa ba nko bonse, ni balesa ba fye;+
Lelo Yehova ena, e wapangile imyulu.+
6 Ubucindami na bukatebebe fyaba pa ntanshi yakwe;+
Ubukose no kuyemba fyaba umwa mushilo mwakwe.+
7 Mwe ndupwa sha bantu na bantu, lumbanyeni Yehova,
Peeleni Yehova+ ubukata kabili ishibeni ukuti wa maka.+
8 Peeleni Yehova ubukata ubwalinga ishina lyakwe;+
Sendeni ubupe no kwingila mu mansa shakwe.+
9 Kontameni kuli Yehova mu fya kufwala fya mushilo;+
Beni na katiina kuli ena, mwe bantu bonse aba pe sonde.+
10 Soseni mu nko amuti: “Yehova naba imfumu.+
Icalo na co calipampamikwa, te kuti citelentenshiwe.+
Akalubulwila abantu na bantu mu bulungami.+
11 Lekeni imyulu isansamuke, ne sonde lisekelele.+
Lekeni bemba alulunkane kumo ne fyabamo.+
12 Lekeni impanga yange pamo na fyonse ifyabamo.+
Pa nshita imo ine imiti ya mu mpanga na yo isekelele+
13 Pa ntanshi ya kwa Yehova. Pantu naisa;+
Pantu naisa ku kupingula isonde.+
Akapingwila icalo mu bulungami+
Akapingula abantu na bantu mu cishinka cakwe.+