1 Imilandu

24 Nomba abana ba kwa Aarone balyakanikene mu mabumba. Abana ba kwa Aarone bali ni Nadabu+ na Abihu,+ Eleasari+ na Itamari.+ 2 Lelo, Nadabu na Abihu+ bafwile pa ntanshi ya kwa shibo,+ kabili tabakwete abana, lelo Eleasari+ na Itamari batwalilile ukubomba bushimapepo. 3 Kabili Davidi, na Sadoke+ uwa mu bana ba kwa Eleasari, na Ahimeleke+ uwa mu bana ba kwa Itamari balibaakenye ukulingana ne milimo bali no kulabomba.+ 4 Nomba abana ba kwa Eleasari bakwete intungulushi ishingi ukucila abana ba kwa Itamari. E ico babapeele ku bana ba kwa Eleasari, ukuba intungulushi sha ndupwa shabo ikumi na mutanda (16) na ku bana ba kwa Itamari ukuba intungulushi sha ndupwa shabo cinekonsekonse (8).

5 Kabili, balipendwile+ pa kubaakanya, aba pamo na balya, pantu kwali no kuba aba kwangalila umuputule wa mushilo+ na bacilolo abalebombela Lesa wa cine ukufuma mu bana ba kwa Eleasari no kufuma mu bana ba kwa Itamari. 6 E lyo Shemaya mwana Netanele e wali kalemba+ wa bena Lebi alibalembele pa menso ya mfumu na bacilolo na Sadoke+ shimapepo na Ahimeleke+ mwana Abiatari+ na bakalamba ba ndupwa sha bashimapepo ne sha bena Lebi,+ ulupwa lumo lwalisalilwe muli Eleasari+ na lumbi muli Itamari.+

7 Kabili ifi e fyo cali ilyo bapendwile: icipendwilo ca kubalilapo caponene pali pali Yehoyaribu;+ icalenga bubili caponene pali Yedaya, 8 icalenga butatu caponene pali Harimu, icalenga bune caponene pali Seorimu, 9 icalenga busano caponene pali Malkiya, icalenga mutanda (6) caponene pali Miyamini, 10 icalenga cinelubali (7) caponene pali Hakose, icalenga cinekonsekonse (8) caponene pali Abiya,+ 11 icalenga pabula (9) caponene pali Yeshua, icalenga ikumi (10) caponene pali Shekania, 12 icalenga ikumi na cimo (11) caponene pali Eliashibu, icalenga ikumi na fibili (12) caponene pali Yakimu, 13 icalenga ikumi na fitatu (13) caponene pali Hupa, icalenga ikumi na fine (14) caponene pali Yeshebeabu, 14 icalenga ikumi na fisano (15) caponene pali Bilga, icalenga ikumi na mutanda (16) caponene pali Imere, 15 icalenga ikumi na cinelubali (17) caponene pali Hesiri, icalenga ikumi na cinekonsekonse (18) caponene pali Hapisese, 16 icalenga ikumi na pabula (19) caponene pali Petahia, icalenga amakumi yabili (20) caponene pali Yeheskele, 17 icalenga amakumi yabili na cimo (21) caponene pali Yakini, icalenga amakumi yabili na fibili (22) caponene pali Gamuli, 18 icalenga amakumi yabili na fitatu (23) caponene pali Delaya, icalenga amakumi yabili na fine (24) caponene pali Maasia.

19 Ifi e fyo babakenye+ mu mulimo wabo,+ pa kuti baleisa mu ng’anda ya kwa Yehova ukulingana ne nsambu+ shabo muli Aarone icikolwe cabo, nge fyo Yehova Lesa wa kwa Israele amwebele.

20 Kabili pa bana ba kwa Lebi abasheleko, pali Shubaele uwa mu bana ba kwa Amramu;+ Yehedia uwa mu bana ba kwa Shubaele;+ 21 aba muli Rehabia:+ abana ba kwa Rehabia, Ishia e wali intungulushi; 22 pa bena Isari+ ni Shelomote;+ pa bana ba kwa Shelomote, ni Yahate; 23 pa bana ba kwa Hebrone+ ni Yeria+ uwali intungulushi, Amaria e walenga bubili, Yehasiele e walenga butatu, Yekameamu e walenga bune. 24 Pa bana ba kwa Usiele ni Mika; pa bana ba kwa Mika+ ni Shamiri. 25 Munyina Mika ali ni Ishia; pa bana ba kwa Ishia ni Sekaria.

26 Abana ba kwa Merari+ bali ni Maali+ na Mushi;+ abana ba kwa Yaasia, ni Beno. 27 Abana ba kwa Merari: pa bana ba kwa Yaasia pali Beno na Shohamu na Sakuri na Ibri. 28 Pa ba muli Maali pali Eleasari, uushakwete umwana umwaume nangu umo.+ 29 Muli Kishi: abana ba kwa Kishi bali ni Yerameele. 30 Kabili abana ba kwa Mushi bali ni Maali+ na Edere na Yerimote.+

Aba e bali abana ba kwa Lebi ukulingana na mayanda ya bashibo.+ 31 Kabili na bo balipendwile+ nge fyacitile bamunyinabo abana ba kwa Aarone pa ntanshi ya kwa Davidi imfumu na Sadoke na Ahimeleke na bakalamba ba ndupwa sha bashimapepo na bena Lebi. E lyo mu mayanda ya bashibo,+ uwali umukalamba alingene no mwaice wakwe.