Amalumbo

79 Mwe Lesa, inko shaisa mu bantu benu;+

Nashikowesha itempele lyenu ilya mushilo;+

Shacita Yerusalemu ukuba ifitantaala.+

 2 Shapeela ifitumbi fya babomfi ku fyuni fya mu lwelele ukuti filye,+

Imibili ya ba cishinka benu shapeela ku fiswango fya mu mpanga.+

 3 Shapongolola umulopa wabo nga menshi

Ukushinguluka Yerusalemu, kabili tapali no wa kubashiika.+

 4 Natuseebana ku bantu abatushinguluka,+

Tuli ica kupumya kabili ica kuwela ku batushinguluka.+

 5 Kufika lilali, mwe Yehova, ubukali bwenu bukapwa?

Bushe mukakalipa umuyayaya?+

Bushe ubukali bwenu bukaleka lilali ukupya ngo mulilo?+

 6 Pongolweleni ubukali bwenu pa nko ishishamwishiba,+

Na pa mabufumu ayashililila kwi shina lyenu.+

 7 Pantu Yakobo nabamulya,+

Kabili nabonaula ne cifulo cakwe ica kwikalamo.+

 8 Imembu sha fikolwe fyesu mwishibukishisha pali ifwe.+

Angufyanyeni! Lekeni inkumbu shenu shitusange,+

Pantu tamuli amaka nangu panono muli ifwe.+

 9 Twafweni, mwe Lesa we pusukilo lyesu,+

Pa mulandu wa bukata bwe shina lyenu;+

Kabili tupokololeni no kufimba pa membu shesu pa mulandu we shina lyenu.+

10 Nga cinshi ico inko shingasosela ashiti: “Ali kwi Lesa wabo?”+

Lekeni twishibe ilyo mukalandula+

Umulopa wa babomfi benu uo inko shasuumya.+

11 Umfweni ukuteta kwa mufungwa.+

Ukulingana na maka ya kuboko kwenu pokololeni abalingilwa ukufwa.+

12 Kabili bwesesheni ku batushinguluka umuseebanya pa fifuba fyabo imiku cinelubali (7)+

Umuseebanya uo bamuseebenyeko, mwe Yehova.+

13 Lelo ifwe fwe bantu benu kabili umukuni uwaba mu mpanga yenu iya mulemfwe,+

Lyonse twakulamutootela;

Twakulamulumbanya ku nkulo ne nkulo.+