15 Kabili nkalenga pakabe ubulwani+ pali iwe+ no mwanakashi,+ na pa mwana*+ obe no mwana*+ wakwe. Ena akakufwanta ku mutwe+ na iwe ukamusuma ku citende.”+

12 E lyo Lesa aebele Abrahamu ati: “Wiumfwa ububi pa fyo Sara alekweba pa mulumendo na pa musha obe umukashana. Umfwa ifyo alekweba,* pantu muli Isaki+ e mukafuma uuketwa umwana* obe.

13 Kabili moneni! Yehova aiminine pa muulu wa matabo, kabili atile:

“Nine Yehova Lesa wa cikolwe cobe Abrahamu kabili Lesa wa kwa Isaki.+ Nkapeela iwe na bana* bobe icalo ico uleelemo.+ 14 Na bana* bobe bakafula ngo lukungu lwa pano isonde,+ kabili ukakumana amasamba na kabanga na kapinda ka ku kuso, na kapinda ka ku kulyo, kabili muli iwe na mu bana* bobe e mo indupwa shonse isha pe sonde shikapaalilwa.*+

7 Kabili te kutila pantu fye batuntuka muli Abrahamu*+ ninshi bonse bana iyo, lelo calembwa ukuti: “Muli Isaki+ e mukafuma uuketwa ati ‘umwana obe.’”*

16 Nomba abo Lesa alaile amalayo ni Abrahamu no mwana*+ wakwe. Ilembo talitila, “na ku bana* bobe,” kwati bengi. Lelo litila, “na ku mwana* obe,” e kutila umo, no yu umo ni Kristu.+