17 Citetekelo calengele ukuti ilyo Abrahamu aeshiwe,+ kwashele fye panono ukuti atuule Isaki ilambo—umuntu uwapokelele amalayo afwaile ukutuula umwana wakwe uwafyelwe eka ilambo+— 18 nangu ca kuti balimwebele ukuti: “Muli Isaki e mukafuma uuketwa ati umwana obe.”*+ 19 Lelo alishibe ukuti Lesa alikwete amaka ya kumubuusha ku bafwa, kabili ilyo Isaki afumine kulya, Abrahamu alimupokelele. Ici cali cilangililo.+

21 Bushe Lesa talandile pali shifwe Abrahamu ukuti ali uwalungama pa mulandu wa milimo ilyo atuulile umwana wakwe Isaki pa ciipailo?+