25 Mose alisalile abaume bafikapo pa bena Israele bonse no kubasonta ukuba intungulushi pa bantu. Bamo bali bacilolo pa bantu amakana, bambi bacilolo pa bantu imyanda, bambi bacilolo pa bantu amakumi yasano e lyo bambi bacilolo pa bantu amakumi. 26 E ico balepingula abantu nga kwaba imilandu. Umulandu uwakosa baletwala kuli Mose,+ lelo umulandu onse uunono e balepingula.

18 “Mu mukowa umo na umo mulingile ukusontamo bakapingula+ na bacilolo mu misumba* yonse iyo Yehova Lesa wenu alemupeela, kabili tabafwile ukulafyenga abantu ilyo balebapingula.

8 “Nga ca kuti mu musumba umo mwaba umulandu uwamwafya ukupingula, nampo nga mulandu wa kwipaya umuntu,+ nelyo mulandu wa kuilishanya ukuti umo nabamufyenga, nangu mulandu wa kucena umuntu, nelyo imilandu imbi iya kukansana, mufwile ukuya ku cifulo ico Yehova Lesa wenu akasala.+