3 Ilyo mulepingula umulandu wa mulanda, mwilawila ku lubali lwakwe pa mulandu fye wa kuti mulanda.+

16 “Pali ilya nshita naebele bakapingula benu nati, ‘Ilyo mulekutika umulandu wa bamunyinenwe, mulelungika pa kupingula+ umulandu wa bena Israele beka-beka nelyo umulandu wa mwina Israele no mulebeshi.+ 17 Tamufwile ukuba na kapaatulula ilyo mulepingula.+ Muleba no mulinganya ilyo mulekutika ku muntu yawe-yawe na ku wacindama.+ Mwilatiina abantu,+ pantu mwakulapingwilako Lesa;+ kabili nga kwaba umulandu uwamukosela, muleuleta kuli ine, pa kuti na ine ndekutikako uyo mulandu.’+

19 Mwikalanyonganya ubupingushi.+ Mwikaba na kapaatulula+ kabili mwikalapoka amafisakanwa, pantu amafisakanwa yalapofwisha amenso ya ba mano+ kabili yalenga bapingula bubi bubi.

6 Kabili aebele bakapingula ati: “Mulebika amano ku fyo mwakulapingula, pantu te muntu mwakulapingwilako lelo ni Yehova, kabili akulaba na imwe ilyo mulepingula.+

11 Pantu Lesa taba na kapaatulula.+

9 Lelo nga mwatwalilila ukuba na kapaatulula,+ ninshi mulebembuka, kabili ninshi amafunde yalemushinina ukuti nimwe bampulamafunde.+