20 Lyena Yakobo alapile umulapo ati: “Nga Lesa akulaba na ine no kuncingilila pa lwendo lwandi, kabili nga akulampeela ifya kulya ne fya kufwala, 21 kabili nga nabwelela umutende ku ng’anda ya kwa tata, ninshi Yehova alanga ukuti ni Lesa wandi. 22 Kabili ilibwe ili ilyo naimika likaba ing’anda ya kwa Lesa,+ kabili nangu cikabe shani, nkamupeela ica pe kumi pali fyonse ifyo mukampeela.”

30 Lyena Yefta alapile umulapo+ kuli Yehova, kabili atile: “Nga mwapeela abena Amone mu minwe yandi, 31 ninshi uukabalilapo ukufuma mu ng’anda yandi mu kunsengela ilyo nkabwela umutende ku kulwisha abena Amone, akaba wa kwa Yehova,+ kabili nkamutuula ngo mutuulo wa koca.”+