9 “Umfweni mwe bena Israele, lelo muleabuka Yordani+ pa kuti muyepoka icalo ku nko ishikalamba kabili isha maka ukumucila,+ imisumba iikalamba kabili iya malinga ayatali icine cine,+ 2 abantu amapaka kabili abatali, abena Anaki,+ abo mwaishiba kabili abo mwaumfwa abantu balelandapo abati, ‘Nani engalwisha abena Anaki?’

21 Pali ilya nshita Yoshua alilofeshe abena Anaki+ abaleikala mu citungu ca mpili, mu Hebrone, mu Debiri, mu Anabu na mu citungu ca mpili conse ica Yuda ne ca Israele. Yoshua abonawilile pamo ne misumba yabo.+