31 Ifi ifya mweo ifisenya mulefimona ukuti fyalikowela.+ Onse uwakumya icafwa pali ifi akaba uwakowela ukufika icungulo.+

32 “‘Nga cafwa, ponse apo caponena ninshi pakowela, nampo nga ni pa cipe ca cimuti, pa ca kufwala, pa mukupo nangu pa nsamu. Icipe conse ico mubomfya apo caponena, mufwile ukucabika mu menshi, kabili cikaba icakowela ukufika icungulo; lyena cikaba icasanguluka.