• Amalumbo 42:utulembo twa pa muulu-11
    Baibo—Amalembo ya Calo Cipya

    • Ku mukalamba wa bakemba. Maskili* ya bana ba kwa Kora.+

      42 Nga filya insebula ifwaisha amenshi ya mu milonga,

      E fyo na ine mfwaisha* ukumubombela mwe Lesa.

       2 Nga filya umuntu uuli ne cilaka afwaisha amenshi, e fyo mfwaisha* Lesa, Lesa wa mweo.+

      Ni lilali nkayamonekela ku cinso ca kwa Lesa?+

       3 Ifilamba fyandi e fya kulya fyandi akasuba no bushiku;

      Akasuba konse abantu balampumya abati: “Ali kwi Lesa obe?”+

       4 Ifi fintu nimfibukisha, kabili ndemulondolwela ifili ku mutima,

      Pantu nalyendeelepo pamo ne bumba ilikalamba;

      Nalebatungulula* ilyo twaleya ku ng’anda ya kwa Lesa,

      Twalesekelela ilyo twaleya kabili twaleimba inyimbo sha kutootela,

      Nga filya ibumba ilikalamba limba pa bushiku balesefya umutebeto.+

       5 Cinshi nasakamikilwa?*+

      Cinshi umutima wandi uleculila?

      Ndelolela Lesa,+

      Pantu nkamulumbanya pa mulandu wa kuti ni kalubula wandi umukalamba.+

       6 Mwe Lesa wandi, ninsakamikwa.*+

      E co namwibukishisha,+

      Ukufuma ku Yordani na ku mpili sha Hermone,

      Ukufuma ku lupili lwa Misari.*

       7 Ning’umfwa iciunda ca menshi ayalepooma

      Iciunda ca fipooma fyenu.

      Amabimbi yenu yonse nayamfimba.+

       8 Akasuba Yehova akulananga ukutemwa ukushipwa,

      Kabili ubushiku nakulaimba pali ena—nkalapepa kuli Lesa uwampeela ubumi.+

       9 Nkeba Lesa icilibwe candi nati:

      “Cinshi mwandabila?+

      Cinshi mwingalekela nalaenda no bulanda pa mulandu wa kuti umulwani wandi alencusha?”+

      10 Abalwani bandi balampumya icabipisha;*

      Akasuba konse bampumya abati: “Ali kwi Lesa obe?”+

      11 Cinshi nasakamikilwa?*

      Cinshi umutima wandi uleculila?

      Ndelolela Lesa,+

      Pantu nkamulumbanya pa mulandu wa kuti ni kalubula wandi umukalamba kabili ni Lesa wandi.+