-
Ukufuma 15:14-16Baibo—Amalembo ya Calo Cipya
-
-
15 Pali iyo nshita imfumu sha Edomu shikatiina nga nshi,
Kabili bakateka ba maka aba ku Moabu bakatutuma.+
Bonse abekala mu Kanaani bakafuupuka.+
16 Bakatiina kabili bakatutuma.+
Pa mulandu wa kuboko kwenu ukwa maka nga nshi bakaba shilili nge libwe,
Mpaka abantu benu bakapite, mwe Yehova,
Mpaka bakapite abantu abo mwabumbile.+
-
-
Yoshua 2:9-11Baibo—Amalembo ya Calo Cipya
-
-
9 Kabili abebele ati: “Ninjishiba ukuti Yehova akamupeela cino calo+ kabili tulemutiina.+ Bonse abekala muli cino calo nabasakamikwa nga nshi pa mulandu wenu,+ 10 pantu twalyumfwa ifyo Yehova akamishe amenshi ya muli Bemba Wakashika ilyo mwafumine mu Egupti,+ ne fyo mwacitile imfumu shibili isha bena Amore, Sihone+ na Oge,+ isho mwalofeshe bushilya* bwa Yordani. 11 Ilyo twaumfwile ifi, twalisakamikwe nga nshi,* kabili bonse tulamutiina sana,* pantu Yehova Lesa wenu e Lesa mu muulu na pano isonde.+
-
-
Yoshua 5:1Baibo—Amalembo ya Calo Cipya
-
-
5 Ilyo imfumu shonse isha bena Amore,+ ishali bushilya bwa Yordani ku masamba,* ne mfumu shonse isha bena Kanaani+ ishali mupepi na bemba, shaumfwile fye ukuti Yehova alikamishe Yordani pa menso ya bena Israele mpaka ba-abuka, shalisakamikwe nga nshi,*+ kabili shalitiinine sana* pa mulandu wa bena Israele.+
-