5 Apo namwisa pa mubomfi wenu, lekeni imuletele umukate, pa kuti umutekeko imitima.* Pa numa, e lyo mwingaya uko mwimiine.” Nabo balandile abati: “Cisuma. Cita ifyo fine walanda.”

7 Kabili Abrahamu abutukile ku mukuni no kusalapo ing’ombe iyana iisuma sana. Apeele umubomfi wakwe, na o alyangufyenye ukwipaya iyi ng’ombe no kuyipika.

18 Shi mwifuma pano mpaka imuletele ubupe.”+ Na o amwebele ati: “Nalaikala pano pene mpaka ubwele.” 19 Awe Gideone ailepekanya akana ka mbushi kabili abulile itepe* lya buunga bwa ngano apangamo ne mikate iishatutumuka.+ Abikile inama mu museke, umuto aubikile mu mpoto; lyena alimutwalile mwi samba lya cimuti icikalamba.

2 Mwilalaba ukulapokelela abeni,*+ pantu mu kucita ifi e mo bamo bapokelele bamalaika ukwabula no kuti beshibe.+