30 Kabili lyonse ukalebika umukate+ wa kutuula ku cinso candi pe tebulo.

5 “Ukalebuula ubuunga ubwapeleka kabili ukalepangamo imikate 12. Mu buunga bwa mu ma oma yabili,* mukalepangamo umukate umo.

9 Umukate ukabe wa kwa Aarone na bana bakwe abaume,+ kabili bakaleuliila pa cifulo ca mushilo.+ Pantu uyu, mutulo wa mushilo nga nshi uwa kwa shimapepo uwa pa mituulo ya kwa Yehova iya pa mulilo. Ili lifunde lya muyayaya.”

3 Na o abebele ati: “Bushe tamwabelenga ifyo Davidi acitile ilyo ena na bo ali nabo baumfwile insala?+ 4 Aingile mu ng’anda ya kwa Lesa abula umukate wa kutuula+ e lyo auliila pamo na bo ali nabo. Tabakwete insambu sha kulya ulya mukate, kano fye bashimapepo e bakwete insambu sha ku-ulya.+