• Amalumbo 52:utulembo twa pa muulu-9
    Baibo—Amalembo ya Calo Cipya

    • Ku mukalamba wa bakemba. Maskili.* Ulwimbo ulo Davidi aimbile ilyo Doege umwina Edomu aile-eba Shauli ati Davidi alile ku ng’anda ya kwa Ahimeleke.+

      52 Cinshi ico uitakishisha pa fyabipa ifyo ucita, we mwaume wa maka?+

      Ukutemwa kwa kwa Lesa ukushipwa kulabako cila bushiku.+

       2 Ululimi lobe lwatwa nga kanesala,+

      Upanga ukucita ifyabipa kabili ulabepa.+

       3 Walitemwa ifyabipa ukucila ifisuma,

      Walitemwa ubufi ukucila ukulanda amashiwi ayalungama. (Selah)

       4 Walitemwa amashiwi ayakalifya abantu,

      We lulimi lwa bucenjeshi we!

       5 E co Lesa akakonawila umuku walimo;+

      Akakufumya mwi tenti lyobe no kukusantaula,+

      Akakunukula mu calo ca ba mweo.+ (Selah)

       6 Abalungama bakamona kabili bakatiina,+

      Kabili bakaseka uucita ifyabipa abati:+

       7 Moneni umuntu uushalekele Lesa aba icubo cakwe,+

      Lelo acetekele mu fyuma fyakwe ifingi,+

      Kabili acetekele* amapange yakwe ayabipa.*

       8 Lelo ine nkaba ngo muolife uwalelema mu ng’anda ya kwa Lesa;

      Nalicetekela ukutemwa kwa kwa Lesa ukushipwa+ umuyayaya,

       9 Nkamulumbanya umuyayaya, pantu namucitapo cimo;+

      Nkalanga ukuti nalicetekela ishina lyenu+ pa ntanshi ya baba ne cishinka kuli imwe,

      Pantu lisuma.