21 kabili kasesema abilikishe umuntu wa kwa Lesa wa cine uwafumine ku Yuda ati, “Yehova atila: ‘Pa mulandu wa kuti taukonkele ifyo Yehova akwebele kabili tausungile ifunde ilyo Yehova Lesa obe akupeele, 22 lelo wacibwela pa kuti ulye ifya kulya no kunwa amenshi mu cifulo umo bakwebele ukuti, “Wikalyamo ifya kulya nelyo ukunwamo amenshi,” icitumbi cobe tabakacishiike mu nshiishi sha fikolwe fyobe.’”+