• Yeremia 10:5
    Baibo—Amalembo ya Calo Cipya

    •  5 Fyaba nge ca kutiinishako ifyuni mwi bala lya fibimbi, te kuti filande;+

      Bafisenda fye, pantu te kuti fyende.+

      Tamufwile ukufitiina, pantu te kuti fimucite ifyabipa,

      Kabili te kuti fimucitile icisuma nangu cimo.”+

  • Daniele 5:23
    Baibo—Amalembo ya Calo Cipya

    • 23 Lelo wali-ikusha pali Shikulu wa ku muulu,+ kabili walandile ukuti bakuletele ifipe fya mu ng’anda yakwe.+ Lyena iwe na bashimucindikwa bobe, e lyo na bakanakashi bobe na bakashi banono namunwenamo umwangashi, kabili namucindika balesa ba silfere na golde, aba mukuba, aba cela, aba fimuti na ba mabwe, balesa abashimona nangu kamo, abashumfwa nangu fimo, kabili abashaishiba nangu cimo.+ Lelo tawacindika Lesa uwakwata umupu obe mu minwe yakwe+ kabili uwakwata amaka pali fyonse ifyo ucita.

  • Habakuki 2:18, 19
    Baibo—Amalembo ya Calo Cipya

    • 18 Bushe icimpashanya ico bapanga fye kuti ca-afwa umuntu?

      Bushe icimpashanya ca kwenga kuti ca-afwa umuntu?

      Bushe kasambilisha wa bufi kuti ayafwa umuntu?

      Nangu ca kuti uwapangile icimpashanya alicicetekela,

      Tulesa apanga twa fye pantu tatulanda.+

      19 We bulanda ku weba icimuti ati, “Shibuka!”

      Nelyo ilibwe ilishilanda ati, “Buuka! Tusambilishe”!

      Moneni! balicibikako golde na silfere,+

      Kabili tacipeema.+