29 E ico mukalalya abana benu abaume na bana benu abanakashi.+

53 Lyena mukalalya abana benu* abaume na bana abanakashi+ aba kuifyalila abo Yehova Lesa wenu amupeela, pa mulandu wa kuti ifintu fikabipa sana ilyo bakamushinga na pa mulandu wa macushi ayo abalwani benu bakalenga mukakwate.

54 “Nangu fye mwaume uwanakilila sana kabili uo batentemba, takomfwile munyina uluse nelyo umukashi wakwe uo atemwa sana nangu fye bana bakwe abaume abakashalapo, 55 kabili takapeelepo nangu umo umunofu wa bana bakwe abo akalalya, pantu tapali nangu cimo ico akashala naco pa mulandu wa kuti ifintu fikabipa sana ilyo bakamushinga, na pa mulandu wa macushi ayo abalwani benu bakalenga mukakwate mu misumba yenu.+ 56 Kabili umwanakashi uwanakilila kabili uo batentemba uushingatontonkanya na pa kwenda na makasa pa mulandu wa kuti balamutentemba,+ takomfwile umulume wakwe uo atemwa sana uluse nangu fye mwana wakwe umwaume nelyo umwana wakwe umwanakashi, 57 nangu fye fintu fikafuma pa kati ka molu yakwe pa numa ya kupaapa nangu bana bakwe abo akafyala, pantu akabalya mu bumfisolo pa mulandu wa kuti ifintu fikabipa sana ilyo bakamushinga na pa mulandu wa macushi ayo abalwani benu bakalenga mukakwate mu misumba yenu.

10 “‘“E ico bashibo bakalya abana babo abaume,+ na bana baume nabo bakalya bashibo, kabili nkakupingula na bakashalapo pali iwe nkabasalanganishisha mu ntunga shonse.”’*+