23 Mu mwaka walenga 7, Yehoyada alicitile ifyalangile ukuti ali uwashipa kabili alipangene icipangano na bakalamba ba mabumba ya bashilika 100,+ e kutila Asaria umwana wa kwa Yerohamu, Ishmaele umwana wa kwa Yehohanani, Asaria umwana wa kwa Obedi, Maaseya umwana wa kwa Adaya na Elishafati umwana wa kwa Sikri. 2 Lyena baile mu Yuda monse mu kwita abena Lebi+ mu misumba yonse iya mu Yuda, kabili baitile na bakalamba ba ndupwa sha bena Israele. Ilyo baishile ku Yerusalemu, 3 ulukuta lonse lwapangene icipangano+ ne mfumu mu ng’anda ya kwa Lesa wa cine, lyena yabebele aiti:

“Moneni! Umwana wa mfumu akateka, nge fyo Yehova alaile pa bana ba kwa Davidi.+