5 “Lelo ifi e fyo mukacite: Mukabongolole ifiipailo fyabo, mukatobaule ifyo baimika ifya mabwe ifyo bapepelapo,+ mukateme ne fimuti ifyo baimika ifyo bapepelapo,*+ kabili mukoce ifimpashanya fyabo.+

18 Mu mwaka walenga butatu ukutula apo Hoshea+ umwana wa kwa Ela imfumu ya Israele atendekeele ukuteka, e mo Hisekia+ umwana wa kwa Ahasi imfumu+ ya Yuda aishileba imfumu.

4 E waonawile ififulo fya kupepelapo,+ e watobawile ifimabwe fya kupepelapo ifyo baimike kabili e watemene icimuti ca kupepelapo.*+ Na kabili ashonawile insoka ya mukuba iyo Mose apangile;+ pantu na pali ilya ine nshita abena Israele baleocela iyi nsoka amalambo, kabili baleyita abati, akalubi ka nsoka ya mukuba.*

2 Asa alecita ifisuma kabili ifyalungama mu menso ya kwa Yehova Lesa wakwe. 3 Abongolwele ifiipailo fya bena fyalo+ ne fifulo balepepelapo, atobawile ne fimabwe ifyo baimike ifyo balepepelapo,+ kabili aputawile ifimuti ifyo baimike ifyo balepepelapo.*+

34 Yoshia+ ali ne myaka 8 ilyo aishileba imfumu, kabili atekele mu Yerusalemu imyaka 31.+

3 Mu mwaka walenga 8 ukutula apo Yoshia atendekeele ukuteka ninshi acili fye umwaice, atampile ukubombela Lesa wa kwa Davidi icikolwe cakwe.+ Mu mwaka walenga 12 atendeke ukusangulula icitungu ca Yuda no musumba wa Yerusalemu.+ Aonawile ififulo fya kupepelapo,+ ifimuti fya kupepelapo* ifyo baimike, ifilubi+ e lyo ne fimpashanya fya cela.*