3 Eliashibu+ shimapepo mukalamba na bamunyina abali bashimapepo, balitendeke ukukuula Impongolo ya Mpaanga.+ Basangulwile iyi impongolo*+ babikako ne fiibi. Basangulwile icibumba ukuyafika ku Lupungu lwa Mea+ e lyo no kuyafika ku Lupungu lwa Hananele.+

6 Yoyada umwana wa kwa Pasea na Meshulamu umwana wa kwa Besodia bawemye Impongolo ya Musumba wa Kale.+ Balibikileko amafulemu ya mbao e lyo babikako ifiibi, amaingwe ne mipindo.

13 Hanuni na baleikala ku Sanoa+ bawemye Impongolo ya Mupokapoka.+ Bakuulile iyi impongolo e lyo babikako ifiibi, amaingwe ne mipindo. Bawemye ne cibumba icalepele imikono* 1,000 ukuyafika fye na ku Mpongolo ya Cishala ca Mito.+