39 ‘Mufwile ukulapangilako insenkebele, pa kutila nga mwashimona mukaleibukisha amafunde yonse aya kwa Yehova kabili mukaleyakonka.+ Tamulingile ukulakonkelela imitima yenu na menso yenu, ifilelenga mwilaba aba cishinka kuli ine.*+

9 Sekelela we mulumendo ilyo ucili umulumendo, kabili umutima obe ulesansamuka mu nshiku sha bulumendo bobe. Ulekonka ifyo umutima obe ulefwaya kabili uleya uko amenso yobe yalekutungulula, lelo ufwile ukwishiba ukuti Lesa wa cine akakupingwilapo* pali ifi fyonse.+

9 Kabili abakapusuka bakanjibukisha mu nko umo bakabasenda bunkole.+ Bakeluka ukuti balinkalifye umutima pa mulandu wa kuti balitalwike kuli ine, tabali ne cishinka mu mitima yabo*+ na pa fyo amenso yabo yalekonkelela utulubi twabo utwa bunani.+ Bakomfwa insoni kabili bakapata fyonse ifyabipa ne fya bunani ifyo bacita.+

29 E ico ilinso lyobe ilya ku kulyo nga lilelenga ulelufyanya,* lilobole no kulipoosa.+ Pantu cawamapo ukukanakwata icilundwa cobe cimo ukucila bapoosa umubili obe onse mu Gehena.*+

16 pantu fyonse ifya muli ici calo—ulunkumbwa lwa mubili+ no lunkumbwa lwa menso,+ no kuitakishisha pa fyo umuntu akwata*—tafyafuma kuli Shifwe, lelo fyafuma muli ici calo.