18 Lelo muye-eba imfumu ya Yuda iimutumine mu kwipusha kuli Yehova amuti, “Ifi e fyo Yehova Lesa wa kwa Israele alanda ifikumine amashiwi ayo umfwile, 19 ‘Apo walinashishe umutima obe kabili wali-icefeshe+ pa cinso ca kwa Yehova ilyo waumfwile ifyo nalandile pali cino cifulo na pa bekalamo ukuti bakaba ica kutiinya kabili icitiipu, kabili walilepwile ne fya kufwala fyobe+ watendeka no kulila pa cinso candi, na ine ning’umfwa ipepo lyobe, e fyo Yehova alanda.

13 Atwalilile ukupepa kuli Lesa wakwe, kabili Lesa wakwe alyumfwile ifyo alemupaapaata ukuti amubelele uluse. E ico alimubweseeshe pa bufumu bwakwe ku Yerusalemu.+ Lyena Manase aishileishiba ukuti Yehova ni Lesa wa cine.+

Ilyo alilile kuli ena ukuti amwafwe, alyumfwile.+

22 Lelo wishi aebele abasha bakwe ati, ‘Endesheni! leteni ica kufwala icisuma sana mumufwike, kabili mufwikeni inindaminwe ne ndyato. 23 Mulete no mwana wa ng’ombe uwaina, mwipaye tulye pa kuti tusefye, 24 pantu uyu mwana wandi alifwile nomba ali uwa mweo na kabili;+ alilubile nomba nalondoka.’ E ico batampile ukusangalala.

13 Lelo kasonkesha wa misonko aiminine akatalamukila, talefwaya no kulolesha mu muulu, aleyumaula fye pa cifuba kabili alelanda ati: ‘Mwe Lesa, mbeleleni uluse ne mubembu.’+ 14 Ndemweba nati, uyu kasonkesha wa misonko aile ku ng’anda ninshi mulungami ukucila ulya umuFarise.+ Pantu onse uuicindamika bakamucefya, lelo onse uuicefya bakamucindamika.”+