Watchtower LAIBRARE YA PA INTANETI

Amalango 1:43

Baibo—Amalembo ya Calo Cipya
- 43 E ico nalimwebele lelo tamwaumfwile. Tamwakonkele ifyo Yehova alandile kabili pa mulandu ne cilumba cenu mwalininine ulupili.

Amalango 31:27

Baibo—Amalembo ya Calo Cipya
- 27 Pantu nalishiba bwino bucipondoka bwenu+ na bucintomfwa bwenu.*+ Apo mulapondokela Yehova ilyo ncili uwa mweo, pali bufi nga nafwa!

2 Ishamfumu 17:13, 14

Baibo—Amalembo ya Calo Cipya
- 13 Yehova alesoka abena Israele na baYuda ukupitila muli bakasesema bakwe bonse na muli bonse abalemona ifimonwa.+ Alebasoka ati: “Lekeni ukucita ifyabipa!+ Mulekonka amafunde yandi ne fyo imweba, ukulingana na mafunde yonse ayo napeele ifikolwe fyenu kabili ayo namutumiine ukupitila mu babomfi bandi bakasesema.” 14 Lelo batwalilile fye ukuba abatalama* nge fyo ifikolwe fyabo ifishatetekele Yehova Lesa wabo fyali.+

Esekiele 20:18

Baibo—Amalembo ya Calo Cipya
- 18 Naebele abana babo mu matololo+ nati, ‘Mwilakonka amafunde ya fikolwe fyenu+ nelyo ubupingushi bwabo nelyo ukulaikowesha ku tulubi twabo utwa bunani.

Imilimo 7:51

Baibo—Amalembo ya Calo Cipya
- 51 “Mwe bakosa imitima kabili mwe bashumfwa.* Lyonse mulalwisha umupashi wa mushilo; filya fine ifikolwe fyenu fyalecita, na imwe e fyo mucita.+