• Amalango 4:34
    Baibo—Amalembo ya Calo Cipya

    • 34 Nelyo bushe Lesa alyeshapo ukufumya uluko mu luko lumbi ukubomfya ubupingushi, ifishibilo, ifipesha amano,+ inkondo,+ ukuboko ukwa maka,+ ukuboko ukwatambalikwa ne fya kutiinya+ nga filya Yehova Lesa wenu amucitiile mu Egupti ifyo mwaimwenene?

  • Nehemia 9:10
    Baibo—Amalembo ya Calo Cipya

    • 10 Lyena mwacitile ifishibilo ne fipesha amano pa kuti mukande Farao na babomfi bakwe bonse e lyo na bantu bonse aba mu calo cakwe,+ pantu mwalishibe ukuti balicushishe+ abantu benu. Mwalengele ishina lyenu lyaishibikwa ica kuti na pali ino nshita lyalishibikwa.+

  • Amalumbo 105:27-36
    Baibo—Amalembo ya Calo Cipya

    • 27 Lesa alengele bacita ifishibilo pa ntanshi yabo,

      Bacitile ifipesha amano mu calo ca kwa Hamu.+

      28 Alengele mu calo mwaba imfifi,+

      Tabakeene amashiwi yakwe.

      29 Asangwile amenshi yabo yaba umulopa

      Kabili aipeye isabi+ mu mimana yabo.

      30 Mu calo cabo mwaishileba bacula+ abengi nga nshi,

      Baali na mu miputule ya mfumu.

      31 Alengele ifipobe fyaisa mu calo cabo,

      Kabili ifisumi fyali mu ncende shonse umo baleikala.+

      32 Alengele imfula yabo yaba imfula ya mabwe

      Kabili atumine inkuba* mu calo cabo.+

      33 Alyonawile ifimuti fyabo ifya myangashi ne fya mikunyu

      Kabili alyonawile ifimuti ifyali mu calo cabo.

      34 Atile makanta ese mu calo cabo,

      Abana ba makanta abashingapendwa.+

      35 Balilile ifimenwa fyonse ifya mu calo cabo,

      Baliile ne filimwa.

      36 Lyena aipeye amabeli yonse mu calo cabo,+

      Intendekelo ya maka yabo aya bufyashi.