Watchtower LAIBRARE YA PA INTANETI

Watchtower LAIBRARE YA PA INTANETI

LAIBRARE YA PA INTANETI

Ukutendeka 3:19

Baibo—Amalembo ya Calo Cipya
- 19 Wakulapiba pa kusanga ifya kulya mpaka ukabwelele ku mushili, pantu e ko wafumine.+ Apo uli lukungu, ukabwelela ku lukungu.”+

Yobo 34:14, 15

Baibo—Amalembo ya Calo Cipya
- 14 Nga ayalukila abantu,
  Abapoka no mupashi no mupu,+
  15 Abantu bonse kuti bafwa,
  Kabili kuti babwelela ku lukungu.+

Amalumbo 146:3, 4

Baibo—Amalembo ya Calo Cipya
- 3 Mwilacetekela intungulushi*
  Nelyo umuntunse umbi, uushingamupususha.+
  
  4 Nga aleka ukupeema,* abwelela ku mushili;+
  Pali bulya bwine ubushiku amatontonkanyo yakwe yalaloba.+

Lukala Milandu 3:19, 20

Baibo—Amalembo ya Calo Cipya
- 19 Pantu icicitikila abantu e cicitikila ne nama, cimo cine e cicitikila fyonse fibili.+ Ifyo umuntu afwa, e fyo ne nama ifwa, kabili fyonse fyakwata umupashi umo wine.+ E ico umuntu tacila inama, pantu fyonse fya fye. 20 Fyonse fiya ku cifulo cimo cine.+ Fyonse fyafuma ku lukungu,+ kabili fyonse fibwelela ku lukungu.+

Lukala Milandu 12:7

Baibo—Amalembo ya Calo Cipya
- 7 Lyena ulukungu lulabwelela ku mushili+ nga filya fine lwali, kabili umupashi* uo Lesa wa cine apeele abantu ulabwelela kuli ena.+