41 Intungulushi sha bashimapepo, bakalemba na bakalamba, nabo batendeke ukumupumya abati:+ 42 “Alepususha bambi; nomba afilwa ukuipususha umwine! Ni Mfumu ya bena Israele,+ naekile nomba pa cimuti ca kucushiwilwapo,* e lyo twalamusumina. 43 Alicetekela Lesa; lekeni nomba amupusushe nga alimutemwa,+ pantu atila, ‘Ndi Mwana wa kwa Lesa.’”+

35 Kabili abantu baliminine baletamba. Lelo intungulushi shalemupumya ashiti: “Alepususha bambi; naipusushe umwine, nga ni Kristu wa kwa Lesa, uo Lesa Asala.”+ 36 Nangu fye bashilika balemupumya, kabili ilyo bapaleme kuli ena bamupeele umwangashi uwakantuka.+