22 Nomba Eli alikotele sana, lelo alyumfwile fyonse ifyo abana bakwe abaume balecita+ ku bena Israele bonse ne fyo balelaala na banakashi abalebombela pa mwinshi we tenti lya kukumaninamo na Lesa.+ 23 Alebeba ati: “Cinshi mucitila ifintu fya musango uyu? Pantu ifyo abantu bonse balelanda pali imwe tafiweme. 24 Awe bana bandi, ilyashi ndeumfwa ilyo abantu ba kwa Yehova balesalanganya, taliweme. 25 Umuntu nga abembukila umuntu munankwe, umuntu umbi kuti amupaapaatilako* kuli Yehova pa kuti amwafwe; lelo umuntu nga abembukila Yehova,+ nani engamupepelako?” Lelo tabaleumfwa ifyo shibo alebeba pantu Yehova alefwaya ukubepaya.+

8 Ilyo Samwele akotele, asontele abana bakwe abaume ukuba bakapingula ba bena Israele. 2 Umwana wakwe ibeli ali ni Yoele, e lyo cikonkebeli ali ni Abiya;+ bali bakapingula mu Beere-sheba. 3 Lelo abana bakwe abaume tabali ne mibele iisuma nge yo shibo akwete; balitemenwe ubunonshi bwa mu bucenjeshi,+ balepoka amafisakanwa+ kabili balefyenga abantu+ pa kupingula imilandu.

14 Ilyo line fye Davidi aebele ababomfi bakwe bonse abo ali nabo mu Yerusalemu ati: “Imeni, natubutuke,+ pantu tatwapusuke kuli Abishalomu! Angufyanyeni pantu nga atusanga alatucimfya kabili alaipaya bonse mu musumba ku lupanga!”+