Watchtower LAIBRARE YA PA INTANETI

2 Imilandu 20:15

Baibo—Amalembo ya Calo Cipya
- 15 Abebele ati: “Umfweni ifyo nalalanda mwe baYuda bonse na mwe bekala mu Yerusalemu na mwe Mfumu Yehoshafati! Yehova atila, ‘Mwitiina kabili mwiba no mwenso pa mulandu wa ili ibumba ilikalamba, pantu ine ne Lesa wenu nine ndelwa iyi inkondo te imwe iyo.+

2 Imilandu 20:17

Baibo—Amalembo ya Calo Cipya
- 17 Tamwakalweko iyi inkondo. Mukayetantama fye, mukeminine shilili+ no kumona ifyo Yehova akamupususha.+ Mwikatiina kabili mwikaba no mwenso,+ mwe baYuda na mwe bekala mu Yerusalemu. Mailo mukaye mu kubalwisha kabili Yehova akaba na imwe.’”+

Amalumbo 68:20

Baibo—Amalembo ya Calo Cipya
- 20 Lesa wa cine, ni Lesa uutupususha;+
  Kabili Yehova Shikulu Mulopwe e utupususha ku mfwa.+

Ukusokolola 7:10

Baibo—Amalembo ya Calo Cipya
- 10 Kabili balebilikisha ishiwi ilikalamba abati: “Ipusukilo lyesu lyafuma kuli Lesa wesu uwaikala pa cipuna ca Bufumu,+ na ku Mwana wa mpaanga.”+