• Esaya 44:23
    Baibo—Amalembo ya Calo Cipya

    • 23 Auleni utupundu mwe myulu,

      Pantu Yehova nacitapo cimo!

      Welesheni ukuwelesha kwa kucimfya, mwe ncende sha panshi ishe sonde!

      Sekeleleni mwe mpili,+

      Mwe mitengo, na mwe fimuti fyonse ifyabamo!

      Pantu Yehova nalubula Yakobo,

      Kabili pali Israele e po alanga ubucindami+ bwakwe.”

  • Esaya 61:3
    Baibo—Amalembo ya Calo Cipya

    •  3 Mu kusakamana abaleloosha Sione,

      Mu kubapeela ica kufwala ku mutwe icisuma, mu cifulo ca kubapeela imito,

      Ukubapeela amafuta ya kusekelela, mu cifulo ca kulenga baleloosha,

      Ukubapeela ico bafwile ukufwala pa kunumbanya, mu cifulo cakulenga imitima yabo yaba no bulanda.

      Kabili bakabeta ukuti fimuti ifikalamba ifya bulungami,

      Ifyo Yehova alimba pa kuti filemulumbanya.*+

  • Yeremia 31:13
    Baibo—Amalembo ya Calo Cipya

    • 13 “Pali ilya nshita nacisungu akalacinda ninshi alesekelela,

      Pamo na balumendo na bakote.+

      Nkalenga bakaleke ukuloosha, lelo bakalesekelela.+

      Nkabasansamusha kabili nkalenga bakalesekelela mu cifulo ca kuba no bulanda.+