12 Lelo ilyo intungulushi sha bashimapepo na bakalamba balemupeela imilandu, ta-aswike nangu cimo.+ 13 Lyena Pilato amwipwishe ati: “Bushe tauleumfwa imilandu ubwingi iyo balekupeela?” 14 Lelo tamwaswike nangu cimo. Ici calengele uyu umulashi apapa nga nshi.

32 Ne ciputulwa ca Malembo ico alebelenga citila: “Bamusendele nge mpaanga iyo baletwala mu kwipaya, kabili ekala tondolo ngo mwana wa mpaanga uwikele tondolo+ ilyo balemubeya amasako. 33 Balimucushishe kabili balimufyengele.+ Nani akalondolola fyonse pa nkulo yakwe? Pantu nafwa.”+