• Amalango 31:16, 17
    Baibo—Amalembo ya Calo Cipya

    • 16 Nomba Yehova aebele Mose ati: “Mona! Uli mu kufwa,* kabili aba bantu tabakabe aba cishinka kuli ine, bakatampa ukupepa balesa bambi aba mu calo ico baleyamo.+ Bakansuula+ kabili tabakasunge icipangano ico napangana nabo.+ 17 Pali ilya nshita ubukali bwandi ububilima ngo mulilo bukabemina,+ kabili nkabalekelesha,+ nkafisa icinso candi+ mpaka bakabonaule. Kabili ilyo bakakwata amafya ayengi na macushi,+ bakatila, ‘Icalenga tukwate aya amafya+ ni co Lesa taba na ifwe.’

  • Esaya 57:17
    Baibo—Amalembo ya Calo Cipya

    • 17 Nalikalipe pa membu isho alecita pa kuti anonke ifyuma mu bucenjeshi,+

      E ico nalimumine, nalifishile icinso candi, kabili nalikalipe.

      Lelo atwalilile fye ukucita ifya bucipondoka,+ alekonkelela umutima wakwe.

  • Esekiele 39:23
    Baibo—Amalembo ya Calo Cipya

    • 23 Kabili inko shikeshiba ukuti aba mu ng’anda ya kwa Israele balibasendele bunkole pa mulandu wa cilubo cabo, pa mulandu wa kuti tabali ne cishinka kuli ine.+ E ico nalifishile icinso candi kuli bena+ nabapeela na ku balwani babo,+ kabili bonse babepaile ku lupanga.