4 Kabili finshi namulufyanya,

Mwe bena Turi na bena Sidone na imwe mwe bekala mu fitungu fya baPelishiti?

Nga muncita ifi apabula umulandu,

Nkangufyanya sana ukumukanda.+

 6 Yehova atila,

‘“Nshakaalule ubupingushi bwandi pa milandu* itatu na pa milandu 4 iyo abena Gasa+ bacitile,

Pantu basendele bankole bonse+ no kubapeela ku bena Edomu.

 7 E ico nkatuma umulilo pe linga lya Gasa,+

Na o ukoca amayanda ya malinga ayakosa.

 8 Nkalofya abekashi ba mu Ashidode,+

Na kateka* wa mu Ashkelone;+

Nkabwesesha no kuboko kwandi pali Ekrone,+

Na baPelishiti abashalapo nkabalofya,”+ e fyo Shikulu Mulopwe Yehova alanda.’

 4 Pantu mu musumba wa Gasa tamwakashale umuntu nangu umo.

Kabili umusumba wa Ashkelone ukashala icibolya.+

Abekala mu Ashdode bakabatamfya mu musumba mu kasuba katanda imono,*

Kabili umusumba wa Ekrone bakaonaula umupwilapo.+

 5 Ashkelone akamona ifikacitika kabili akomfwa umwenso;

Gasa akashikitika nga nshi,

Na Ekrone wine, pantu ifyo ale-enekela tafyakacitike.

Imfumu ya mu Gasa ikaloba,

Kabili mu Ashkelone tamwakaleikala abantu.+