4 Abena Kaldi balitobele icibumba ca musumba,+ kabili abashilika bonse balifulumwike ubushiku. Bapitile pa mpongolo iyali pa kati ka fibumba fibili mupepi ne bala lya mfumu, ninshi abena Kaldi nabashinguluka umusumba; kabili imfumu yapitile mu nshila yalola ku Araba.+ 5 Lelo abashilika abena Kaldi balikonkele imfumu, kabili baisangile mu ciswebebe ca mu Yeriko. Ilyo baisangile, abashilika ba iko bonse balibutwike.