• Yeremia 50:20
    Baibo—Amalembo ya Calo Cipya

    • 20 “Muli shilya nshiku kabili pali ilya nshita,” e fyo Yehova alanda,

      “Bakafwaya ifilubo fya kwa Israele,

      Lelo tabakafisange,

      Bakafwaya ne membu sha kwa Yuda, lelo tabakashisange,

      Pantu nkeleela abo nkaleka bakashalepo.”+

  • Mika 7:18, 19
    Baibo—Amalembo ya Calo Cipya

    • 18 Ni Lesa nshi uwaba nga imwe,

      Uusuula ku filubo kabili uwelela imembu+ sha bashalapo pa bupyani bwakwe?+

      Takatwalilile ukukalipa,

      Pantu alafwaya sana ukulanga ukutemwa ukushipwa.+

      19 Akatubelela uluse na kabili;+ akafumyapo* ifilubo fyesu.

      Mukapoosa imembu shesu shonse muli bemba ica kuti shikafika na panshi.+