-
2 Imilandu 36:15, 16Baibo—Amalembo ya Calo Cipya
-
-
15 Yehova Lesa wa fikolwe fyabo alebatumina inkombe isha kubasoka. Alebasoka libili libili pantu alyumfwilile abantu bakwe uluse kabili talefwaya ukuti itempele lyakwe lyonaike. 16 Lelo balepumya inkombe sha kwa Lesa wa cine,+ balisuulile amashiwi yakwe+ kabili baleseka bakasesema bakwe,+ ica kuti tabali no kundapwa, lyena ubukali bwa kwa Yehova bwaishile pa bantu bakwe.+
-
-
Esaya 65:2Baibo—Amalembo ya Calo Cipya
-
-
2 “Nafungulwila amaboko yandi kuli bacintomfwa+ akasuba konse,
Ku benda mu nshila iyabipa,+
Abakonka fye ifyo batontonkanya;+
-
Yeremia 7:24-26Baibo—Amalembo ya Calo Cipya
-
-
24 Lelo tabaumfwile kabili tababikileko amano,*+ bale-enda mu mapange yabo kabili balekonka umutima wabo uwabipa.+ Balebwelela ku numa, tabaleya ku ntanshi, 25 ukufuma pa bushiku ifikolwe fyenu fyafumine mu calo ca Egupti ukufika buno bushiku.+ E ico nalemutumina ababomfi bandi bonse bakasesema, nalebatuma cila bushiku imiku iingi.*+ 26 Lelo balikeene ukung’umfwila, kabili tabalefwaya ukukutika.+ Bali bacintomfwa,* kabili ifyo bacitile fyalibipile ukucila ifyo ifikolwe fyabo fyacitile!
-
-
Yeremia 35:15Baibo—Amalembo ya Calo Cipya
-
-
15 Kabili pa miku iingi* nalemutumina+ ababomfi bandi bonse bakasesema, nabo balemweba ukuti, ‘Lekeni imisango yenu iyabipa,+ kabili mulecita ifisuma! Mwilapepa balesa bambi no kubabombela. Lyena mukekala mu calo ico namupeele pamo ne fikolwe fyenu.’+ Lelo tamwabikileko amano kabili tamwang’umfwilile.
-
-
-