-
1 Samwele 2:7, 8Baibo—Amalembo ya Calo Cipya
-
-
7 Yehova alikwata amaka ya kulenga umuntu aba umupiina na ya kulenga aba umukankaala;+
Kuti awisha umuntu, kabili kuti amwimya.+
8 Alemya abashacindama mu lukungu;
Alemya umupiina pa mwina wa mito,*+
Pa kuti bekale pamo na bakankaala,
Abateka pa cipuna ca bukata.
Inceshi ishatungilila+ isonde sha kwa Yehova,
Kabili epo abika icalo.
-
-
Esekiele 21:26, 27Baibo—Amalembo ya Calo Cipya
-
-
26 Shikulu Mulopwe Yehova atila: ‘Fumyako icitambala, kabili fuula icilongwe.*+ Ifi tafyakatwalilile ukuba ifi fine.+ Imya uwaba panshi,+ kabili uwaba pa muulu mubweshe.+ 27 Nkaconaula, nkaconaula, nkaconaula. Kabili tacakakwate umwine mpaka uwakwata insambu sha kucikwata akese,+ kabili e o nkapeela.’+
-
-
Daniele 7:13, 14Baibo—Amalembo ya Calo Cipya
-
-
13 “Nalitwalilile ukulolesha mu fimonwa fya bushiku, kabili moneni! umo uwaba ngo mwana wa muntu+ aleisa na makumbi ya mu muulu, kabili afikile ku Wa Nshiku ne Nshiku.+ Lyena bamupalamike kuli Ena. 14 Kabili bamupeele amaka ya kuteka,+ umucinshi+ no bufumu, pa kuti abantu ba mishobo yonse, aba nko na balanda indimi shalekanalekana bamubombele.+ Imitekele yakwe iya muyayaya tayakapwe, no bufumu bwakwe tabwakonaulwe.+
-