16 Lelo Yohane aebele bonse ati: “Ine imubatishisha mu menshi, lelo uwancila amaka aleisa, uo nshalinga ukukakula intambo sha ndyato shakwe.+ Ena akamubatishisha ku mupashi wa mushilo na ku mulilo.+ 17 Naikata ica kwelelako cakwe pa kuti akawamye bwino bwino apa kupumina ingano no kushilonganya e lyo no kushibika mu butala, lelo imisungu akayoca mu mulilo uo bashingashimya.”