21 Lyena abakaba mu Yudea bakatendeke ukufulumukila ku mpili,+ na bakaba mu kati ka uyu musumba, bakafumemo, kabili abakaba mu mishi iyaba mupepi no yu musumba bekengila mu musumba, 22 pantu isho inshiku shikaba ni nshiku isho Lesa akakandamo abantu,* pa kuti fyonse ifyalembwa fingafikilishiwa. 23 Cikabipila sana abakaba pa bukulu na bakalaonsha muli isho nshiku!+ Pantu mu calo mukaba ubucushi ubukalamba kabili Lesa akakanda abantu.