18 Ilyo alebeba ifi fintu, moneni! intungulushi imo yaishile kuli ena no kumufukamina,* e lyo yatila: “Ino nshita umwana wandi umwanakashi afwile no kufwa nafwa, tiyeni muye mubike iminwe pali ena pa kuti abe no mweo.”+

41 Lelo moneni! kwali umwaume umo uwaishile uwe shina lya kuti Yairo, uwali umukalamba we sunagoge. Kabili afukamine Yesu e lyo alamupaapaata ukuti ayeingila mu ng’anda yakwe,+ 42 pantu umwana wakwe umwanakashi uo akwete fye uwali nalimo ne myaka 12 ali mupepi no kufwa.

Ilyo Yesu aleya, ibumba lya bantu lyalemutitikisha pa kwenda.