10 E ico aitile abasambi bakwe 12 e lyo abapeela amaka pa kuti balefumya imipashi yakowela,+ kabili baleposha amalwele yonse ne ntenda shalekanalekana.

9 Lyena aitile abatumwa bakwe 12 kabili abapeele amaka ya kufumya ifibanda fyonse+ na ya kuposha amalwele.+ 2 Kabili abatumine mu kubila pa Bufumu bwa kwa Lesa no kundapa abalwele, 3 kabili abebele ati: “Ilyo muleya tamufwile ukusenda nangu cimo, nampo nga ni nkonto, nangu cola ca fya kulya, nangu mukate nangu ni ndalama;* nangu fya kufwala fibili.*+ 4 Ing’anda yonse iyo mwaingilamo, mukekale muli iyo ine ing’anda mpaka mukafume mu musumba.+ 5 Na konse uko abantu bashimupokelele, pa kufuma muli uyo musumba mulekunta ulukungu ku makasa yenu pa kulanga ukuti Lesa nabasoka.”+ 6 Lyena baile balepita mu mishi balebila imbila nsuma kabili konse uko baleya baleundapa abantu.+