45 Ilyo intungulushi sha bashimapepo na baFarise baumfwile ifilangililo fyakwe, balilwike ukuti e bo alelandapo.+ 46 Lelo nangu ca kuti balefwaya ukumwikata, balitiinine amabumba ya bantu, pantu aya mabumba yamwishibe ukuti ni kasesema.+

3 Lyena intungulushi sha bashimapepo na bakalamba ba bantu balongene mu lubansa lwa kwa shimapepo mukalamba uo baleita ati Kayafa,+ 4 kabili baumfwene+ ukuti bekatile Yesu mu bucenjeshi pa kuti bamwipaye. 5 Lelo balanshenye abati: “Twikamwikatila pa mutebeto, pantu nalimo abantu kuti baimya icimfulunganya.”

14 Nomba kwashele fye inshiku shibili+ ukuti kube Icakucilila+ no Mutebeto wa Mukate Ushatutumuka.+ Kabili intungulushi sha bashimapepo na bakalemba balefwaya inshila ya kumwikatilamo mu bucenjeshi pa kuti bamwipaye;+ 2 pantu balelanda abati: “Twikamwikatila pa mutebeto, pantu nalimo abantu kuti baimya icimfulunganya.”

19 Ilyo bakalemba ne ntungulushi sha bashimapepo bailwike ukuti e bo alelandapo muli ici cilangililo, balefwaya ukumwikata pali ilya ine nshita, lelo baletiina abantu.+