19 Lyena aebele amabumba ukuti yekale pa cani. E lyo abuula imikate 5 ne sabi libili, alolesha mu muulu, apepa no kupepa,+ lyena amokawile imikate apeela abasambi, e lyo nabo bapeela amabumba. 20 E ico bonse baliliile no kwikuta, kabili ilyo balongenye ifyashelepo, fyaiswile imiseke 12.+ 21 Abaliile bali abaume nalimo 5,000, ukwabula ukupendelako abanakashi na bana abanono.+

39 Lyena aebele abantu ukuti bekale mu mabumba pa cani icibishi.+ 40 E ico baikele mu mabumba, bamo baleba 100 bambi 50. 41 Kabili ilyo abuulile imikate 5 ne sabi libili, aloleshe ku muulu apepa no kupepa.+ Lyena amokawile umukate alapeela na basambi pa kuti nabo bapeele abantu, kabili ayakenye isabi libili e lyo apeela abantu bonse. 42 E ico bonse baliliile baikuta no kwikuta. 43 Ilyo balonganike ifyasheleko ku mikate, fyaiswile imiseke 12, kwali ne sabi ilyasheleko.+ 44 Abaliile imikate bali abaume 5,000.

14 Na kuba bali nalimo abaume 5,000. Lelo aebele abasambi bakwe ati: “Bekalikeni mu mabumba, mwi bumba limo muleba abantu nalimo 50.” 15 Na basambi balicitile ifyo abebele, kabili balikalike abantu bonse. 16 Ilyo abuulile imikate 5 ne sabi libili, aloleshe ku muulu no kupepa. Lyena alimokawile umukate, atendeka no kupeela abasambi bakwe umukate ne sabi pa kuti nabo bapeele ibumba. 17 E ico bonse baliliile no kwikuta, kabili ilyo balonganike ifyashelepo, fyaiswile imiseke 12.+