24 Nomba moneni! Pali bemba paliimine icikuuku ca mwela ica maka nga nshi, na mabimbi yalengele amenshi yalaingila mu bwato; Lelo ena alileele.+

24 Pali iyi nshita ubwato bwali ukutali sana* ukufuma ku mulundu, kabili bwalesunkana ku mabimbi, pantu umwela walefumina ku ntanshi yabo. 25 Lelo mu bulinde bwalenga 4* ubwa bushiku, aile kuli bena ale-enda pali bemba. 26 Ilyo abasambi bamumwene ale-enda pali bemba, balitiinine, kabili batendeke ukulanda abati: “Moneni icapala umuntu!” Lyena balipundile pa mulandu wa mwenso. 27 Lelo apo pene Yesu abebele ati: “Shipeni, nine; mwitiina.”+ 28 Lyena Petro amwebele ati: “Shikulu, nga nimwe njebeni njise kuli imwe pa menshi.” 29 Na o amwebele ati: “Isa!” E ico Petro alifumine mu bwato, atendeka no kwenda pa menshi ukuya kuli Yesu. 30 Lelo ilyo amwene icikuuku ca mwela alitiinine. Kabili ilyo atendeke ukwibila, apundile ati: “Mwe Shikulu mpususheni!” 31 Ilyo line fye Yesu atambike ukuboko kwakwe, amwikata e lyo amweba ati: “Cinshi wacitwishikila?+ Icitetekelo cobe cinono.” 32 Ilyo baninine mu bwato, icikuuku ca mwela calilekele. 33 Lyena abali mu bwato balimufukamine* e lyo balalanda abati: “Cine cine uli Mwana wa kwa Lesa.”