26 Pantu abena Makedonia na bena Akaya bali-itemenwe ukusangwilako fimo ifyo bakwata ifya kupeela abapiina pa ba mushilo ababa mu Yerusalemu.+ 27 Ca cine, bali-itemenwe ukucita ifi, na lyo line e fyo fye balingile ukucita, pantu abena fyalo nga balibapeelako ifisuma ifyafuma kuli Lesa, ninshi nabo balingile ukula-afwilishako abaYuda ukubomfya ifyo bakwata.+

6 Kabili onse uo basambilisha icebo ca kwa Lesa afwile ukulacitako fyonse ifisuma ifyo uumusambilisha+ acita.

15 Na kuba, imwe mwe bena Filipi mwalishiba no kuti ilyo mwasambilile imbila nsuma pa muku wa kubalilapo, lintu nafumine ku Makedonia, takwali icilonganino cimbi icabombeele pamo na ine mu mulimo wa kupeela no kupokelela, nimwe fye mweka;+ 16 pantu na lintu nali mu Tesalonika, mwalintumiine ifyo nalekabila pa miku ibili. 17 Te kutila ndefwaya ica bupe, lelo ndefwaya mukapokelele icilambu icifuma mu kupeela.