53 Pantu uyu mubili uubola ufwile ukwaluka, waba umubili uushibola,+ kabili uyu mubili uufwa ufwile ukwaluka, waba umubili uushifwa.+

3 Acindikwe Lesa kabili Wishi wa kwa Shikulwifwe Yesu Kristu, pantu ilyo abuushishe Yesu Kristu ku bafwa,+ Lesa atukwatiile uluse ulukalamba no kutufyala cipya cipya.+ Ici calenga ukuti tukwate isubilo ilyafikapo,+ 4 ilya kupyana icishingabola, icishakowela kabili icishingakota.+ Ubu bupyani bwaba mu muulu kabili nimwe basungila.+

2 Mwe batemwikwa, pali ino nshita tuli bana ba kwa Lesa,+ lelo tucili tatulaishiba ifyo tukaba.+ Ico twaishiba fye ca kuti ilyo akamoneka tukaba nga ena, pantu tukamumona ifyo aba.

6 Wa nsansa kabili wa mushilo onse uukabuuka mu kubuushiwa kwa kubalilapo;+ pali aba imfwa ya cibili+ taikwetepo amaka,+ lelo bakaba bashimapepo+ ba kwa Lesa kabili aba kwa Kristu, kabili bakateka pamo na Kristu pa myaka 1,000.+