11 “Kabili bashimakwebo ba pe sonde balelila no kumuloosha, pantu takuli uuleshita na kabili fyonse ifyo bakwete, 12 ifipe fyonse ifya golde, ifya silfere, ifya mabwe aya mutengo sana, ifya margariti, ifya nsalu ishisuma, ishakashikila, ishabeka sana,* ne shakashika ce; ne fintu fyonse ifyo bapangila ne mbao sha kacena akasuma, na fyonse ifyo bapangila na meno ya nsofu, na fyonse ifyo bapangila ne mbao sha mutengo nga nshi, na fyonse ifya mukuba ne fya cela ne fya marbele;

19 Baikubile ulukungu pa mitwe e lyo balabilikisha, ninshi balelila no kuloosha abati: ‘Owe ifyo cabipa, ifyo cabipila umusumba uukalamba, umo bonse abakwete amato pali bemba banonkeele pa mulandu wa fyuma fyakwe ifingi, pantu mwi awala fye limo e mo bamonaula!’+