Sefania
2 Ilyo icipope tacilatampa ukubomba,
Ilyo ubushiku tabulapita nga filya imisungu yululuka,
Ilyo Yehova ashilamufulilwa nga nshi,+
Ilyo ubushiku bwa bukali bwa kwa Yehova tabulamwishila,
3 Fwayeni Yehova,+ mwe bafuuka* bonse aba mwi sonde,
Mwe bakonka ifipope fyakwe ifyalungama.*
Fwayeni ubulungami, fwayeni ubufuuke.*
Nalimo mukabelama mu bushiku bwa bukali ubwa kwa Yehova.+
4 Pantu mu musumba wa Gasa tamwakashale umuntu nangu umo.
Kabili umusumba wa Ashkelone ukashala icibolya.+
Abekala mu Ashdode bakabatamfya mu musumba mu kasuba katanda imono,*
Kabili umusumba wa Ekrone bakaonaula umupwilapo.+
5 “We bulanda ku bekala ku lulamba lwa bemba, uluko lwa bena Keriti!+
Yehova namukaana.
We Kanaani, we calo ca baPelishiti, nkakonaula
Pa kuti muli iwe mwikashala umuntu nangu umo.
6 Kabili ululamba lwa bemba lukaba impanga ya mulemfwe,
Mukaba ifishima fya bakacema na macinka ya mpaanga aya mabwe.
Bakalalambalala mu mayanda ya mu Ashkelone mu nshita ya cungulo.
8 “Nalyumfwa ifyo abena Moabu+ baponta ne fyo abena Amone basaalula abantu bandi,+
Abapontela abantu bandi kabili abayumfwila pa mpanga ya bantu bandi.+
9 E ico, na pali ne mwine,” e fyo Yehova wa mabumba, Lesa wa kwa Israele alanda,
“Moabu ikaba fye nga Sodomu,+
Kabili abena Amone bakaba nga abena Gomora,+
Cikaba cifulo umukalamena bakaenya, umukaba ifilindi fya mucele, kabili cikaba icibolya umuyayaya.+
Abakashalapo pa bantu bandi e bakabapoka ifipe,
Kabili abakashalapo pa luko lwandi e bakalaikala mu calo cabo.
10 Ici e cikaba icilambu pa cilumba cabo,+
Pa mulandu wa kuti balepontela abantu ba kwa Yehova wa mabumba, kabili baleitutumuna pali bena.
11 Ifyo Yehova akacita fikabapapusha;*
Pantu akalenga tulesa tonse utwa pano isonde tukabe utwacabecabe,
Ne nko shonse ishikala pa fishi shikamukontamina,*+
Pa fishi fyonse ifya nko.
12 Na imwe, mwe bena Etiopia, nkamwipaila ku lupanga lwandi.+
13 Akatambalikila ukuboko kwakwe ku kapinda ka ku kuso, kabili akonaula Asiria,
Akalenga Ninebe ikabe icibolya,+ kabili ikome kwati ciswebebe.
14 Muli ena e mukalalambalala imikuni ya nama shonse isha mpanga* ishalekanalekana.
Mu nceshi ishawa e mukalalaala imikanga ne finungi.
Ifyuni fikalalila pe windo.*
Pa mpongolo pakaba fye ifyatobaika;
Pantu akalenga imbao sha Mikedari shikashale pa mbilibili.
15 Uyu e wali umusumba wa cilumba umo abantu baleikala umutelelwe,
Umo balelanda mu mitima yabo abati, ‘twalicila bonse takuli uwingalingana na ifwe.’
Iye ifyo abantu bakulaupapa,
Ukaba cifulo umo inama sha mpanga shikalaikala!
Umuntu onse uukalapitapo akalalisha umunsoli no kupukunya umutwe.”*+