Amalumbo

65 Mwe Lesa, bakamulumbanya mu Sione;+

Tukafikilisha imilapo twalapa kuli imwe.+

 3 Ifilubo nacita nafinasha,+

Lelo mulafimba pa membu shesu.+

 4 Wa nsansa uo musala kabili uo mulenga apalama kuli imwe,

Pa kuti aleikala mu mansa shenu.+

Tukekuta ifisuma fya mu ng’anda yenu,+

Mwi tempele lyenu ilya mushilo.*+

 5 Pa kutwasuka mukacita ifyalungama kabili ifya kutiinya,+

Mwe Lesa mwe batupususha;

Abantu bonse aba pano isonde nimwe bacetekela+

Ukubikako fye nababa ukutali kwi shilya lya bemba.

 6 Ku maka yenu mwabikile* impili apo shaba;

Mwafwala* amaka.+

 7 Mulatalalika* bemba iilulunkene,+

Mulatalalika amabimbi ya pali bemba ayakalamba e lyo ne nko ishili mu cimfulumfulu.+

 8 Abekala ukutali bakatiina ilyo bakamona ifyo mwacita;+

Mukalenga abekala uko akasuba katulila ukuyafika uko kawila bakasekelele.

 9 Mwalibika amano kwi sonde,

Mwalilenga lyaba no mufundo+ kabili lilamesha ifya kulya ifingi.

Mu mulonga uwafuma kuli Lesa mwaliba amenshi ayengi;

Mulapeela abantu ifya kulya,+

Pantu ifi e fyo mwapangile isonde.

10 Mulatapilila imikolwa ya liko, kabili mulatobaula ifibungulubwe ifiba umo balimine;*

Mulalosha imfula pa kuti munashe umushili; kabili mulapaala ifimenamo.+

11 Mulafwika umwaka ubusuma bwenu, kwati mwaufwika icilongwe;*

Mu nshila shenu mwaliba ifisuma ifingi nga nshi.*+

12 Mu matololo mwaliba icani iciteku icingi,+

Kabili utupili twafwala ukusekelela.+

13 Mu mpanga ya mulemfwe mwaisula fye imikuni,

Na mu mipokapoka* mwaba ingano ishingi.+