Habakuki
2 Nkatwalilila ukwiminina+ pa cifulo apo banjeba ukuti e po mfwile ukuba ilyo ndelinda,
Kabili nakulaiminina pa cibumba.
Nakulalola pa kuti nkamone ifyo akanjeba ukuti inande
Kabili nkalolela pa kuti nkeshibe ifyo nkaasuka nga anungika.
2 Lyena Yehova anjebele ati:
“Lemba ici icimonwa, kabili ucilembe bwino pa mabwe ayapaapaatala,+
Pa kuti uulecibelenga mu kupongomoka alecibelenga bwino.+
3 Pantu ifili mu cimonwa fikacitika ku ntanshi,
Kabili fili no kufikilishiwa* nomba line. Fikafikilishiwa nangu cibe shani.*
Nangu fyakokola* ukufikilishiwa ulefilolela fye!*+
Pantu ukufikilishiwa kwena fikafikilishiwa.
Tafyakacelwe!
4 Mona uwaba ne cilumba;
Talungama.
Lelo uwalungama akatwalilila ukuba no mweo pa mulandu wa kuti aliba ne cishinka.*+
5 Na cine, umwangashi ulalenga umuntu acita ifya buwelewele,
E co umuntu uwa cilumba ashakacitile ifyo afwaya ukucita.
Ulunkumbwa lwakwe talupwa, nga filya fine Inshiishi* ishisula;
Aba nge mfwa iishikuta.
Atwalilila fye ukulonganya inko shonse
Kabili ailonganikila abantu ba mu nko shonse.+
6 Bakalalanda pali ena mu mapinda, mu manshoko kabili bakalapika ubwile pali ena.+
Bakalati:
‘We bulanda ku uilonganikila ifishili fyakwe
Kabili uifushisha inkongole!
—Ni lilali akaleka ukucita ifi?—
7 Bushe abo wakongolako tabakakupumikishe fye?
Bakabuuka kabili bakakusunkanya bukali bukali,
Kabili bakakupoka ifintu.+
8 Pantu wapokolwele inko ishingi ifintu,
Abantu bonse abashala aba mu nko shonse bakakupokolola ifintu,+
Pa mulandu wa kuti walipeye abantu
Kabili walyonawile isonde,
Imisumba na baleikalamo.+
9 We bulanda ku ucita ifyabipa pa kuti anonkele aba mu ng’anda yakwe ifyuma,
Pa kuti abike icisansala* cakwe apasansuka,
Pa kuti apusuke ku bucushi!
10 Ifyo upanga fyalenga waseebanya aba mu ng’anda yobe.
Ifi wipaya abantu ba mu nko ishingi, ulaibembukila we mwine.*+
11 Pantu ilibwe lya mu cibumba likabilikisha,
Kabili ulusonta lwa ku mutenge lukalyasuka.
12 We bulanda ku usuumya umulopa pa kuti akuule umusumba,
Kabili uucita ifishalungama pa kusokola umusumba uunono!
13 Moneni! Bushe te Yehova uukalenga ukuti ifintu ifyo abantu bakaculila pa kuti bafikwate fikapye mu mulilo,
Kabili bushe te ulenga inko shileculila apa fye?+
15 We bulanda ku ukalipa,
Kabili uwaba ne cipyu, uupeela abanankwe ifya kunwa pa kuti bakolwe,
Pa kuti abatambile!
16 Tawakacindame lelo ukasaalulwa sana.
Na iwe wine—ukanwa ica kuti abantu bakamona ukuti tawasembululwa.*
Yehova akalenga na iwe ukanwene+ muli kapu yakwe iyaba mu kuboko kwakwe ukwa ku kulyo,
Kabili tawakacindame lelo ukaseebana;
17 Pantu filya fine waonawile Lebanone e fyo na iwe bakakonaula,
Kabili ifyo waleipaya inama isho waletiinya e fyo na iwe bakakulofya,
Pa mulandu wa kuti walipeye abantu
Kabili walyonawile isonde,
Imisumba na baleikalamo.+
18 Bushe icimpashanya ico bapanga fye kuti ca-afwa umuntu?
Bushe icimpashanya ca kwenga kuti ca-afwa umuntu?
Bushe kasambilisha wa bufi kuti ayafwa umuntu?
Nangu ca kuti uwapangile icimpashanya alicicetekela,
Tulesa apanga twa fye pantu tatulanda.+
19 We bulanda ku weba icimuti ati, “Shibuka!”
Nelyo ilibwe ilishilanda ati, “Buuka! Tusambilishe”!
20 Lelo Yehova ali mwi tempele+ lyakwe ilya mushilo.
Bonse mwe ba pano isonde+ talaleni pa cinso cakwe!’”